صور بنات مراهقات صور بنات مراهقات
صور بنات مراهقات
>
بنتكلم اليوم صور بنات مراهقات عن البنات اول
صور بنات مراهقات الزمن الغابر صور بنات مراهقات .. يعني مو شرط مراهقتنا اللي الحين
جمعنا اراء مراهقات سابقات خواتنا .. بنات خالاتنا بنات عمتي منيره وسألناهم عن عالمهم السابق
كانت اجاباتهم عفويه .. وكل وحده تسولف عن مراهقتها كانت تخرطم وشوي وتدمع بنص الجواب
تقول لو اني داريه اني لو بعرس وادج هالدجه .. كان لي الحين خامتن المخده ابرك لي !
خلونا نستعرض حياتهم ..هبالهم .. لبسهم .. هههههه موضتهم
بادئ ذي بدء .. كان اغلب البنات توهم طايحين بحركة الشناط الصغيره ..
ومن مبدأ انتشار الشناط الصغيره .. صار لزاماً على كل وحده تعبي هالشنطه بكل مايجعلها متميزه عن البنات اللي معها ..
كل وحده تبي تكشخ بس بطريقتها .. اصلا ماهلكنا الا هالكشخه اللي مدري وش تبي
سجل لمشاهدة الصور
الروج وما ادراك ما الروج
كل بنت لها لمستها الخاصه فيه ..وهو اللي يضفي النضاره على خشة كل انثى
ذاك الوقت ياكافي طاحن البنات بالمحدد
عشان تصيرين كشخه ومحد قدك ولامشيتي كلن يناظرك تقل ماشيه قدامهم هيفا وهبي
حطي محدد بني غامق ..امسكي خشتك وامشي عليها داير مادار وحدديها باللون البني
وبعدين سوي الحركه الراقيه اللي محد يقدر يقاومها ولوني شفايفك بلون افتح من المحدد
يعني حدود البراطم بني غامق ولون الشفايف وردي ولا بيج
سجل لمشاهدة الصور
يااالطيف اللي كانت تسوي هالحركه كانت معروفه بانه عندهم دش واهلها مايخافون الله
لا من وين تعلمت تمشي بالمحدد على خشتها من دون مايتعرج ؟!
اكيد انها خاشعه عند الدش وتشوف وش يسوون الكافرات الفاجرات ..من قال LBC وافصخي
سجل لمشاهدة الصور
كل شياكه..واناقه ..لا بد ان تكتمل الطله بجزمتكي ياعزيزتي الكاشخه
ذاك الوقت جتهم موضه عاصفه .. شي غريب ماقد مر على السعوديه
طاحوا العالم بالأبوات
جتهم فتره كلن هب بالأبوات وصاروا مايشترونها الا من برا
واللي مايقدرون يشترون من برا يروحن الشعله لعل وعسى ينزل شي جديد
طبعا البوت عشان يصير راقي ومحد قدك لازم يصير كعب
وياعزيزتي مو اي كعب ! لازم كعب تقل بلكه لو تكفخين فيه باكستاني انصرع يومين
كان ينباع مع الابوات كيلون هبوا فيه ذاك الايام
الكيلون مخطط بالعرض ..خط اسود وخط شفاف
وبمانه بوت وطويل ولا يبان الكيلون تبدا كل وحده تمشي وترفع اللبس
عشان يشوفون البوت لين واصل وعشان يطلع الكيلون
الله مير يقلعكن قرويات .
سجل لمشاهدة الصور
سجل لمشاهدة الصور
ههههههههههههههههههههههههههههه
لاتحسبون هذا ينحط بالشنطه !
لالا الببسي والليمون له استخدام شنيع ..لاتستغني عنه اي مراهقه بذاك الوقت
كان يستخدم لتجعيد الشعر
يقولون بذاك الوقت زاد استخدام الببسي وكان يصنع باعداد مهوله كله بسبب تجعيد العكاريش
الطريقه / تروشي وخلي شعرك رطب .. بعدين ضعي قليلاً من الببسي .. بارد ولا حاره مايأثر بس اهم شي فيه غازات ..
يعني ماتجيبينه مفتوح له يومين وتحطينه وتقولين وراه ماتجعد شعري زي بنت خالتي حصه
كانوا البنات بذاك الوقت مشغلتهم سالفة تجعيد الشعر (ماكانوا يقولون كيرلي )
طبعاً اي وحده تجي شعرها منفوش كل البنات يغارون منها .. ويتحلطمون شلون سوته كذا !
يعني الحمد لله اللي ميريام فارس ماطلعت بذاك الوقت قسم بالله انتحرن ياحبي لهن
كان فيه مشكله تواجههم يقولون اننا اذا جعدنا شعورنا ولبسنا العبايه انلبد وخرب التجعيد
واول مانوصل المدرسه الا الببسي صاير يتدبق ( الله يحوم تسبودكن )
واللي مره مستعجله وماعندهم ببسي تعصر لها ليمونه وتحطه على شعرها وان شالله بيتجعد
صحيح فعاليته مب زي الببسي بس يعني يفك أزمه
اهم شي نشكر الشركات العالميه اللي صارت تنتج لنا افضل مستحضرات الكيرلي عشان نرتاح من دبق الببسي وريحة الليمون
سجل لمشاهدة الصور
الحمد لله انها ماطلعت على وقتهم !
ولا كان انتحرن بناتنا ياعزتي لهن
سجل لمشاهدة الصور
ختاما الشكل يكون كذا .. زي هذي بالضبط .. كلهم يتمنون يصيرون مثلها
شعر مجعد تشجعيد يجيب المغص تشم ريحة الببسي والليمون من بعد كيلو
وشفايف محدده تقول كبد عنز والروج فاتح عشان يبان التناقض الخلاب
وحبة الخال اللي مرسومه بكحل .. يعني مايعوق ما شالله
ماعندك حبة خال ارسمي لك وحده .. ترى الدنيا فانيه ..
ماكثر الله الا الكحل
سجل لمشاهدة الصور
عاد هذا شي ثاني
اي بنت بذاك الوقت ماكانت تخق على سعود الدوسري تراها يا اما حولا ولا فيها عين وصارت ماتميز بين الحق والباطل
يعني كان من اهم مايميز فترة التسعينات ان جميع البنات بلا استثناء خاقات مع الاخ سعود
كان مذيع بال mbc fm ويقدم برنامج ليلة خميس
سبحان الله كان مذيع بالراديو شلون اكتشفوا وجهه مادري !
يعني لو بالتلفزيون كان نقول شافوا وجهه بس واحد متغبي بلندن ويجي من وراء المايك شلون نفشتن عنه ؟!
تخيلوا وحده اعرفها .. عندها اغلب صور الاخ سعود
اهم شي انه دفتر ملصقه فيه صور سعود بالترتيب
وفيه صور نادره له وصور من جوازه واسم امه < صجتنا انها تعرف اسمه تقل تبي تعرس عليه
كانوا البنات يشترون جريدة الجزيره بس عشان الملحق الفني اللي فيها كانوا يجيبون طاري سعود
وبذاك الوقت بعد طلعت مجلة فواصل وصاروا اذكياء بكل عدد يجيبون طاريه
والبنات هات يا مجله انواع تنظيف الرفوف ..
والمجله يحسبون الناس تشتري المجلات الشعبيه عشان خاطر الشعر مادروا ان مراهقاتنا القديمات خاقات للنعله مع الاخ سعود
كانت صوره قليله ذاك الوقت يعني مالهم مصدر صور الا المجلات او الجرايد مو زي الحين نت وقوقل تقدرين تطلعين وجهه وهو يفلي قذلته
واشتهر سعود بذاك الوقت بالبدله الموف اللي كان لابسها وحاط يده على راسه
ودي سعود بس يقرا الموضوع ويجيب لنا صورة البدله عشان نتاكد منها < على ذمة بنت عمتي ترى
سعود اول غير سعود الحين
الحين صار دب وخلاص راحت طفته .. يعني فيه سعوديين مماليح غيره .. طلع ياسر وخرب سوق الشعب
اول ماكان فيه الا هو ! وجا بطريقه متاحه لأغلب البنات يعني مايحتاج دش عشان تشوفه
كان يجي عن طريق الراديو اسهل من كذا ايه ! كل وحده تقول بسمع اذاعة القران وهي حاطه على سعود واحمد الحامد
سجل لمشاهدة الصور
طبعاً اللي ماخقت على سعود يمديها تخق على الاخ اللطيف هذا
هذا خالد التيماوي .. لاعب نادي الهلال السابق
ثلاث ارباع بنات السعوديه هلاليات ..وشي اكيد السبب هو حسن الخلق
يعني خالد التيماوي اول زي يسوري الحين
سبحان الله هالهلال حالف كل جيل يطلع لنا واحد اطخم
اول كانوا البنات يتابعن كوره عشان بس يهف بغرته كذا ويسوي حركه عاصفه
يعني بنات النصر اول يكشخن ب فهد الهريفي بس فهد الهريفي اختفى ماصار له حس زي خلودي
يعني بساحة المدرسه يجون البنات واقفات معهن ببسي وكتكات وكل وحده تقول فريقنا احسن من فريقكم
وش جاب التيماوي للهريفي ومن يومها بنات النصر مضطهدات
يعني لابطولات ولا لاعبين حلوين .. الله يصبركن بس
لووووووووووول يابنات <<< وعيال ميخالف سجل لمشاهدة الصور
الموضوع للإمانة سجل لمشاهدة الصور
06-Aug-2008, 04:18 AM
العرض العادي
المواضيع المتشابهه 
