15-Nov-2008, 11:52 PM
|
المشاركة رقم: 21 |
| رقم العضوية : 395099 | | تاريخ التسجيل : May 2008 | | المشاركات : 245 | النقاط :  | | تقييم المستوى : 53 |  
| كاتب الموضوع :
بدون روح المنتدى :
قصص و روايات و حكايات 
(( الجزء الثاني عشر))
عهود وهي تنوقز من الالم : اييييييييييييييي يمه يمه ظهري
رغد ميته خوف ومو عارفة تتصرف: خليني اشوف
عهود تصيح وقربت منها رغد ولما حاولت ترفع التيشرت حقها ضربت عهود
صوتها من الالم: اييييييييييييييي وخري وخري يألم
تركي الي كان بالغرفة انفجع من الصوت وطلع بسرعة يشوف شصاير
وشاف عهود تصيح وتتألم وراح لحد عندها وسأل رغد بخوف: شفيييييها
رغد بارتباك : انكب الماي عليها وهو حار
تركي يصرخ: وش جاب الماي لعندها
رغد صوتها بدى يروح من الخوف: الخدامة وهي ماتدري كبته
تركي راح لعهود وحاول يهدي فيها : والبقرة ماتشوف
وجاو خواته وامه ام عبدالرحمن : خير يمه شصاير
تركي: الخدامة الدبشة كبت مويه حارة على عهود
ام عادل : طيب حطيتو ماي بارد عليها
تركي : لا
ام عبدالرحمن : خذه الغرفة وارفع عنها قميصها وحط لها ثلج وبعدها ودها
المستشفى
تركي اخذ عهود للغرفة ولما قرب منها يرفع التيشرت
عهود وهي تصيح: وخر لا تشوف
تركي : عهود لازم ابعده عن الحرق
عهود: ماابي
تركي بقلة صبر : عهود خليني اشوف الحرق يلا
عهود زاد صيحها: ماابي تشوفني
تركي هدى شوي وجلس يكلمها وكأنها بزر: طيب انا بلف عنك وانت شيلي التيشرت
وخذي الشرشف وحطيه عليك
سوت عهود الي قال له تركي وبعدها سدحها على الفراش ورفع الشرشف عن ظهرها
وشافه احمر مرة وعلامة الحرق بانت وبعدها جابو الثلج وحطو لها وهي ميته صياح
تركي: رغد ..رغد
رغد:نعم
تركي : روحي بسرعة جيبي عباة عهود
رغد:طيب وبسرعة راحت جابت العباة ولبسوها عهود وراح بها المستشفى
ولما وصلو دخلو على الدكتوره وكشفت على الجرح وقال للممرضة تعطى عهود
ابرة مسكنة للالم وطبعا عهود سوت مناحة ومارضت وتركي يحاول معاها
بس مافي فايدة وهي تون من الالم تركي وهو يكلم بزر: حبيبتي خذي الابرة
عشان يخف الالم
عهود: ماابي ماابي
تركي: شوفي اذا خليتيهم يعطونك الابرة اسوي لك كل شئ تبينه
عهود بعد تفكير : ممم
تركي : قولي
عهود: نظل على اتفقنا
تركي: أي اتفاق
عهود: ثلاث شهور
تركي فهم عليها : خالص الي تبينه يصير بس يلا خليها تعطيك الابر
عهود: احلف ماتتراجع
تركي : والله يلا عاد
وجات الممرضة ومعها الابرة ومسك تركي ايد عهود وعطتها الابرة وبعدها هدت عهود
وعطته الدكتورة ادويه مع كريمات حروق ولفوا لها ظهرها وطلبت منه كل يومين
يغيرون لها اللفة عشان مايلتهب الحرق وطلع تركي مع عهود ومر الصيدلية
ياخذ العلاج الي كتبته الدكتورة لها وبعدها ارجعوا المزرعة وقام الكل وتحمد
لها بالسلامة وخذت الخدامة تهزيئة من تركي ماعن مالها ذنب وجلست عهود
على الكنبة بحيث تكون مخدة وراها عند رقبتها لنص ظهرها لان ظهرها من
تحت جاه الحرق وماتقدر تسند عليه بس من النص الي فوق وجا تركي وجلس
عندها
ام عبدالرحمن: ماتشوفين شر يابنتي
عهود: الشر مايجيك
سعاد: وانت الله يهداك ماتنتبهين للي وراك مرة شكبرك وتخافين من قطوة
تركي : مرت اخوي
سعاد: هلا
تركي : اكرمينا بسكوتك
سعاد انحرجت وسكتت
تركي: مها ولا عليك امر جيبي ماي لعهود
مها :طيب
عهود: بس انا ماابي
تركي : علشان العلاج
وجابت مها الماي وعطاه عهود مع العلاج وبعدها جلسوا يسولفون معها ينسونها
الحرق وبعهدها استئذن تركي وقال لها اذا بغت شئ تدق عليه
رغد: عهود اعترفي شسويت لخالي
عهود: ليه
رغد: اتوقع هالتصرفات من الكل الا خالي تركي
عهود: وانت شفيكم كلا ماصدق انه تركي ومااصدق
مها: لان ياطويلة العمر باختصار خالي تركي نذل ومو راعي هالحركات
رغد تكمل :ومتحكم يعني اذا شافنا لابسين ملابس قصيرة ولا مخصرة
عطنا محاضرة ولما كان يشوف خوالي يدلعون حريمهم او جالسين عندهم كان يقول
لاتعطونهم وجه وعن الدلع الزايد ولنا مرتي ماراح اعطيها وحه مثلكم ووو الى اخره
من هالكلام والحين اشوي وبيحطك بمخباه
عهود" هذولا الرجال يتمسكنون لحد مايتمكنون صبرو بس يأخذ الي يبيه وبعدين
يطلع على حقيقته " واكتفت بانها تبتسم لهم
ودق جوال عهود: هلا والله
عبدالله : اهلين وينك في
عهود: بالمزرعة
عبدالله : مزرعة مين
عهود: اهل تركي
عبدالله:اه...طيب بتتأخرين
عهود: والله مااعرف ليه
عبدالله: بغيتك بموضوع بتجين البيت
عهود: اكيد بس وشو الموضوع
عبدالله: اذا جيتي قلت لك
عهود: عبدالله خوفتيني في شئ
عبدالله: انت ووجهك اذا بغيتك بموضوع يعني في شئ
عهود: طيب عطني تلميح الموضوع خير ولا
عبدالله: اذا تم خير واذا لا مو خير
عهود: عبيد قول
عبدالله: اصغر عيالك عبيد
عهود: طيب قول بخصوص وشو
عبدالله: يمه منك مافيك صبر
عهود: لا قول الحين
عبدالله بتردد: ممم.. الصراحة نويت اكمل نص ديني
عهود: صج
عبدالله: والله
عهود: ومن سعيدة الحظ
عبدالله: اظنط تعرفينها
عهود: نجود صح
عبدالله : صح بس بغيتك تشوفين رايها قبل لاتقدم رسمي
عهود: لا ابشرك تقدم وانت مطمن واخيرا تحركت ياشيخ
عبدالله: وش عرفك
عهود: انت ناسي اني بير اسرارها وهي بير اسراري
عبدالله: اوه نسينا بس انت متأكده
عهود : متأكده بس
عبدالله : بس ايش
عهود: ابوي وجدتي
عبدالله : وهذا الي مخوفني خايف يلصقون فيني وحدة من قرودهم
عهود: وانا اظن كذا بعد
عبدالله: اجلس عزوبي ولا اخذ وحدة منهم
عهود: الله يكتب الي فيه الخير وانا ماابي اامل البنت وبعدين ابوي يرفض
انت قول لابوي قبل واذا وافق انا اقول لنجود
عبدالله: رايك كذا
عهود: أي
عبدالله: توكلنا على الله يلا مع السلامة
عهود: مع السلامة
وسكرت عهود منه ورجعت للبنات وبعدها حطوا العشا وتعشوا وكملوا
سهرتهم
رغد: عهود
عهود: نعم
رغد: الا خالي منزل افلام جديدة
عهود: أي افلام
رغد: لا تقولين انك ماتحبين الافلام الاجنبية
عهود: اموت فيهم وخصوصا الرعب
رغد: والله
عهود: والله
رغد: لقيتي طلبك وخالي موته الرعب وعنده كل جديد
عهود: حلو اجل اذا رحنا الشقة بخليه يعطيني اياها
رغد: ماتوقع لان احنا اكثر من مرة نطلب منه ومايرضى
عهود: اجل شلون تشوفونها
رغد: اقولك بس ماتقولين له
عهود: اوكي
رغد: ناخذهم من غير مايدري
عهود: ههههههههههههههههههههههه
رغد: ليه تضحكين قايلة نكتة انت ووجهك
عهود: لان هذي حالتنا مع خالي بسام واخوي عبدالله
رغد: والله
عهود: والله
رغد: اجل الحين المهمة عليك لان الافلام كلها بالشقة عندك
عهود: لا انا بقول له يعطيني اياها
رغد: ياسلام واذا سألك شدراك
عهود: ماراح اقوله بطريقة مباشرة راح المح له
رغد: شلون
عهود: انت ماعليك غير تشوفين الافلام وبس
رغد: وانا موافقه
وعلى الساعة 2 حركوا وكل واحد راح لبيته وتركي وصل عهود بعد ماوصها على نفسها
وانها تأخذ العلاج بوقته وطلب منها انها تروح معاه لبيت اهله بس هي ارفضت وودها
بيت اهلها ولماجلسوا عرفت امها بالموضوع وهدتها عهود انها بسيطة وبعدها راحت
بيت جدتها وتشافوا لها وتحمدولها السلامة وبعدها راحت لمقرهم الي يجلسون فيه
نجود: شلون صار بظهرك كذا
عهود: كل من القطوة الله يأخذها
نجود: شلون
عهود قالت لهم السالفة كلها
فروحة: الحمدالله ماصار لك ازيد من كذا
عهود: الحمدالله
دانة: عهود لحد الحين ماقرب منك
عهود: ولا بيقرب
دانة : عهود من جدك انت
عهود: والله تصدقين كان هالاسبوع ناوي بس خربت عليه
دانه : شلون
نجود: ههههههههههههه
دانة: ليش تضحكين انتي
نجود: لاني مساعدتها بالجريمة
دانة : لا مادام السالفة فيها جريمة قولي تكلمي بسرعة وبالتفصيل
عهود: ابد طولت لساني عليه وقال انه يبي حقوقه اذا رجع البيت لانه كان معزوم
عاد انا دقيت على طويلة العمر الي جنبك وقلت لها تجيب لي حبوب تنزل الشيخة
بدري وجابتهم لي وعلى طول خذتهم ولما رجع البيت عطيته القنبلة وقلت له
اني محرمة عليه لما بدى يقرب وغير كذا
دانة: والله انك منتي سهلة ياعهيد بس اذا خلصت شبتسوين بتنزلينها مرة ثانية
عهود: لا تطمني رجعنا لاتفقنا
دانة: شلون
عهود: لما احترقت وجوا يعطوني ابرة مارضيت لحد ماوعدني انا نظل على
اتفقنا انه مايلمسني الا بعد ثلاث شهور
دانة: والله انه كاسر خاطري تركي
عهود: وليه ان شاءالله
دانة: ابد كل الي تسوين فيه وعادي عندك
عهود: ماحد ضربه على ايده وقال له تعال تزوجني
دانة : مقرود واكيد امه داعيه عليه
عهود: ها ها ها
وقطع عليهم نغمة الرسايل من جوال عهود لما افتحتها
"" يسالوني ليه احبك حب ماحبه بشر
وليه انتي في حياتي شمسها وانتي القمر
وليه صوتك لا وصل صحراي يملاها الزهر
علميهم يالحبيبه .آه يا اغلى حبيبه
يسالوني ليتهم مثلي يعيشون الهوى
الاصابع في اليدين الواحده ماهي سوى
عندهم حبك طبيبعي وعندي فوق المستوى
فهميهم يالحبيبه .آه يا اغلى حبيبه
يسالوني وانتي اكبر من سوالفهم جميع
وانتي اجمل ما خلق ربي بهالكون الوسيع
ودي اتلاشى بدون عيونك الخجلى اضيع
اعذريهم يالحبيبه ..آه يا اغلى حبيبه
علميني ليه احبك حب ما حبه بشر
وليه انتي في حياتي شمسها وانتي القمر
وليه صوتك لا وصل صحراي يملاها الزهر
اعذريني يالحبيبه ..آه والله حبيبه "
دانة: ايوه على الغراميات من تركي
عهود: لا هذا رقم غريب
دانة : تركيه اكيد ذا من اللاعبين
عهود: قولتك ...طيب مش طالبين
نجود: أي والله اني جيعانة ومشتهية شورما خاطري فيها من زمان
عهود: اوكي بس يكون فيها ثوم لاني الصراحة ماحبها من غيره
دانة: شلون تأكلينه ماتستحين تحشرين زوجك
عهود: لا احرم نفسي بعد على حسابه روحي زين
فروحة: يلا لاتسوون لنا سالفة وطلبوا
وطلبوا لهم وجلسوا ياكلون وهم سوالف وضحك وقطع عليهم صوت مسج مرة ثانية
"*اتركـ جمالكـ ياحبيبي على جنب
غير الحلا تعجبني بزود طيبكـ
كلكـ على بعضكـ تجنن وتنحب
حظي كبير اللي جعلني رفيقكـ
إن كان حبي بنظر بعضهم ذنب
يامرحبا والله بذنب يجيبكـ
ماقول غير الله يخليكـ يارب
ويعمي عيون من حسدها تصيبكـ*
نجود: من نفس الرقم
عهود: أي شيبي ذا
فروحة: ناس فاضية
عهود: خليني امسحهم
نجود: لا ياذكية خليهم يمكن تحتاجين للرسايل حلوة بعدين
عهود: واذا شافهم تركي تبينه يسوي لي سالفة وانا مالي خلق له وهذرته
نجود: طيب حفظيهم بالملاحظات وبكذا يكونون من دون رقم
عهود: فكرة حلوة
وحفظتهم بالملاحظات وبعدها انزلوا عند الخالات وشافت خالها بسام وراحت
وجلست جنبه
بسام: هلا بالطش والرش والبيض المفقش
عهود: وعععععع مالقيت تهلي بي غير بالبيض
بسام: حمدي ربك جالس اهلي بك ولا انت كفو
عهود: قد هالكلام
بسام : وانا اقدر بس طمنيني شلونك مع تركي مرتاحة
عهود: الحمدالله
بسام: وظهرك شلونه الحين
عهود: احسن اليوم بس مش مخليني اعرف انام
بسام: اوف عاد كيسة النوم انت
عهود: هذا من عيونكم مش عارفة اخذ راحتي بالنوم كل ساعة منتبها من ظهري
بسام:يلا بسيطة بكرة تطيبين وتخيسين نوم على راحتك
وقامت عهود ورجعت للغرفة ودقت على اخوها
عهود: هلا عبدالله
عبدالله : اهلين
عهود: ها قلت لابوي
عبدالله بصوت حزين: أي ومثل ماتوقعنا مارضى يبيني اخذ من القرود
بنات عمامك
عهود: والنهاية معاهم ذولي ماراح نرتاح طيب شقال لك
عبدالله: قال لي مالي الا بنت عمي خالد
عهود: وعععع فطيم
عبدالله : في غيرها العلة
عهود: وشقلت
عبدالله: قلت له مو لازم اتزوج نجود اخذ أي واحدة غيرها بس فطيم لا
عهود: وبعدين
عبدالله: عصب وسوى سالفة وقلت له يقفل الموضوع واني هونت ماابي اتزوج
عهود: وماقال شئ
عبدالله: لا بس خلاص انا شلت من بالي الزواج لحد ماتتزوج هالعلة واذا مارحت نجود
بنصيبها لذاك الوقت بخطبها ولا الله يعوضني غيرها
عهود: الله يكتب الي فيه الخير والصالح
عبدالله: امين وانت عهود اذا شفتيها لمحي لها اني مو حاطها ببالي واني ماابي من العيلة
ابد
عهود: اوكي يالله انتبه على نفسك ولا تحر عمرك وان شاءالله الله يفرجها
عبدالله: ان شاءالله وانت انتبهي على نفسك ولا تهملين الحرق عشان مايترك اثر
عهود: ان شاءالله يالله مع السلامه
عبدالله: مع السلامة
وسكرت من اخواها وهي تدعي على اهب ابوها ويفكهم من شرهم ويرتاحون
ورجعت للبنات وجلست معاهم
خالتها العنود: عهود متى بتمشين
عهود: ليه زهقتي مني
العنود: واحد يقدر يزهق منك ياحلو
عهود: على بالي ..بس مادري متى بمشي انا جهزت اغراضي ولما يدق
تركي بنحرك
العنود: طيب قومي معاي ابيك بسالفة
عهود: خالتي اذا محاضرة خليها بعدين
العنود: قومي بس
وراحت معها للغرفة المخصصة لهم وجلسوا بعد ماقفلت العنود الباب عشان ماحد
يزعجهم
العنود: عهود بسالك سؤال وابيك تجاوبيني بصراحة
عهود ارتبكت لانها ماتقدر تخبي عن خالتها شئ وهي الي كاشفتها: افكر
العنود: مازلت على رايك بالزواج
عهود: اكيد ومستحيل شئ يغير رايي
العنود وتأكدت ظنونها : تركي مادخل عليك صح
عهود بحرج: الصراحة لا
العنود: شتقووووووووولين
عهود: خالتي مالاداعي التعصيب
العنود: انت سامعة نفسك شتقولين
عهود: مافيها شئ طيب
العنود:صار لك شهر من تزوجتي ولحد الحين زوجك مادخل عليك وتقولين مافيهاشئ
عهود: أي مافيها شئ
العنود: عهود بعدين الرجال يشك فيك
عهود: وليه
العنود: هو مايعرف تفكيرك مثلنا وبيظن فيك بعدين انك مو بنت من كثر ماتصدينه
عهود: وانا بقوله اني بنت
العنود: ماراح يصدق بسبب صدك لها وبيحاول انه يتأكد واخاف انه يجيك بالغصب
عهود: خليه يجرب بس والله لاسوي له فضيحة
العنود: ماتقدرين ياحظي لانه من حقه وماحد بيلومه
عهود: ياسلام يغتصبني وماحد بيلومه
العنود: ماراح ينظرون له على انه اغتصاب بينظرون له انه حقه
عهود:.........................................
العنود: حبيبتي سمعيني حاولي تتأقلمين مع حياتك تركي زوجك ومافي شئ يغير هالشئ
واذا سكت عنك هالمدة ماراح يسكت بعدين ويجيك بالقوة خليه بالطيب ورضى منك
احسن مايكون غصب عنك وعرفي انه مادامه صابر عليك طول هالمدة معناته انه
والنعم منه ولا تضيعينه من ايدك مع افكرك السودة وعرفي ياقلبي ان هذي سنة
الحياو وبعدين لما يصير لك منه عيال بتتقبلينه وبتحبينه
عهود: مستحيل احبه انت عارفة اني مااعترف بشئ اسمه حب بين الرجال والمرة
قولي حب سلطة وتملك لكن حب لا انت ماشفتي شلون ابوي كان يعامل امي
كرهته بسبب معاملته لي ولاخواني وكرهت امي احيانا بسبب ضعفها انها ولا مرة
حاولت توقفه عند حده وانا مستحيل اخلي أي رجال يعاملني مثل ماعامل ابوي امي
او حتى يحاول واذا خايفة انه يجيني بالقوة لا تخافين احنا متفقين انه بعد ثلاث شهور
بيحصل الي يبيه مني وعرفي بعد عشان ماتنصدمين بعدين احنا مخلين هالسنة
تجربة لنا بنشوف اذا تقبلنا بعض راح نكمل ولا كل واحد بطريق وغير كذا ماراح
عيال عشان مايتعذبون بيننا ومن الحين اقولك لاتتعبين نفسك وتعطيني محاظرة
لان مافي شئ بغير الي ببالي وكون اني عطيته فرصة سنه عشان احد من كلام
الناس
العنود من غير حيلة : الله يهديك
عهود: في شئ ثاني
العنود: لا
عهود وهي تحب راس خالتها : يلا نروح للبنات
وراحو لعندهم وجلسوا وكان مزاج عهود معفوس ومالها خلق لاحد
نجود: شصار
عهود: بعدين اقولك الحين مالي خلق
نجود سكتت لانها عارفة ان عهود مستحيل تتكلم بمزاجها هذا
على الساعة 12 باليل دق تركي على عهود وقال لها تجهز عشان بيمشون راحت ولبست
لها بيجامة عشان اذا وصلوا تنام على طول ومر تركي عليه وحول سلم على ام عهود
وجدتها وخوالها وسلمت عهود على اهلها وطلعت وكانت ساكته وماترد على تركي
الا بنعم او لا وعرف تركي ان مزاجها معفوس وسكت عنها الساعة 2وصلو الشقة
حول تركي الشنط وبعدها صعدو للشقة وعلى طول توجهت عهود لغرفة النوم ونامت
اليوم الثاني صحى تركي وراح الدوام وصحت عهود الساعة2 الظهر ودق تركي عليها
يسألها وشو تبي على الغدا وقالت لها الي يبي لانها مو مشتهية الساعة 4 العصر وصل تركي
وجهزت عهود الطاولة وحطت له غداه ولا جلست معاه بعد الغدا راح تركي لعندها وشاف ان
مزاجها مازال معفوس قال انه بيروح يريح واذا جلس بيشوف شفيها اماعهود جلست تتفرج
على التلفزيون وكانت كل دقيقة يوصل لها مسج من نفس الرقم الي قبل وحولتهم للملاحظات
وطنشته
على المغرب صحى تركي واخذ له دش سريع وطلع للصالة وشاف عهود جالسة وجلس
جنبها: السلام
عهود: وعليكم السلام
تركي : ماودك تطلعين اليوم
عهود ومزاجها روق: ممممممم ...اي
تركي : وين تبين تروحين
عهود: ابي محل فيديو
تركي: فديو ليه
عهود: ودي اشتري لي افلام
تركي: ليه
عهود: اتسلى بهم وانا متعودة اشتري
تركي: واي نوع من الافلام تحبين
عهود بحماس : افلام اجنبية واحيانا هندية
تركي مكشر بوجهه: ياناس ابي على الاقل بنت واحدة تقول انها ماتحب الافلام الهندية
عهود: وليه بالعكس حلوة الهندية
تركي : والله ان لكم خلق تبعونهم ولا نص الفلم اغاني
عهود: المهم لا تضيع الموضوع بتوديني
تركي :طيب ماقلتي لي أي نوع من الافلام الاجنبية تفضلين
عهود: رعب
تركي : الصراحة ماتوقعت انك تحبين الرعب
عهود: ليه
تركي : لانك خوافة
عهود: صحيح اني خوافة بس اعرف ان الافلام خيال مو صدق
تركي: اها
عهود: بتوديني ولا لا
تركي : لا
عهود يازعم حزنت : ليه طيب بقول لبنت خالي تجيب لي
تركي : لا
عهود: ليه
تركي : مايحتاج تجيب انا عندي كل افلام الرعب الجديدة والقديمة
عهود: والله
تركي: والله
عهود: وينها خلنا نتفرج عليهم الحين
تركي : قومي معاي المكتب واختاري الي تبين عشان احولهم على dvd
عهود: يلا
وراحو المكتب وشغل تركي الاب توب وجلس يفرج عهود على الافلام واختارت لها كم
فيلم وحوله وراحت تحهز الجلسة الشيبسات والفشار والبيبسي وقالت لتركي يجي
الصالة وطفوا الانوار عشان يعشون الجو وقبل لايبدى الفيلم
تركي : عهود
عهو: نعم
تركي : ودك تروحين سينما تحضرين فلم مرعب
عهود: أي ودي
تركي : شرايك بدال ماننزل الاسبوع هذا نروح البحرين
عهود: لا طبعا نروح أي يوم الا وقت نزلتنا
تركي : ليه طيب هي فرصة ننام هناك
عهود: اخذ يوم الثلاثاء اجازة اذا تقدر ونروح هناك ويوم الاربعاء ننزل مرة واحدة
تركي : لا مااقدر
عهود: اجل بلاها وخلنا نتفرج على الفلم
وجلسو يتفرجون على الفلم ولما خلص شغلت لها الفيلم الثاني والساعة عشر
طلب تركي لهم عشا من المطعم وجلسوا يتفرجون على الافلام بس عهود انزعجت لان في
الافلام مقاطع ماصخة ولانها كانت قريبة من تركي ماعجبها الموضوع ولفت عليه
ههود: وانت عاجبتك هالمصاخة قدم
تركي بضحكة: عادي عشان تتعلمين
عهود قلب وجهها الوان من الحرج: بتقدم ولا اقوم
تركي : خلاص خلاص
وقدم المقاطع الماصخة وكان كل مايجي مقطع كان يضحك بصوت مسموع عشان
بنرفزها ويرفع ظغطها على الساعة واحدة خلصوا الافلام المحولة وقامت عهود
ورتبت المكان وغسلت الصحون بعدها نامو ا وجلس تركي وراح عالدوام والساعة 2
الظهر كالعادة صحت عهود وكلمها تركي يسألها شتبي على الغدا على الساعة 4
رجع تركي وتغدو بهدوء ولما خلصوا ساعدها برفع السفرة وغسلت عهود الصحون
وراحت جلست بالصالة وتركي راح يريح بس رجع مرة ثانية الصالة
تركي: عهود
عهود: نعم
تركي : تعالي شوي
عهود: ليه
تركي : تعالي انت وبعدين تعرفين
قامت عهود تشوف شيبي لما دخلت الغرفة وقف وراها ورفع بيجامتها وعهود
بعدت يده بعنف: شتبي
تركي : شفيك كسرتي يدي
عهود: تستهل ماحد قالك تقل ادبك
تركي: هذا جزي جاي اغير لك اللفة وتقولين قلة ادب صج لا قالوا خير تفعل شر
تلقى
عهود : وانا شيدريني كان قلت اول
تركي : طيب يله لفي
عهود: لا مايحتاج انا بغير لنفسي
تركي : والله وشلون بتحطين مرهم الحروق على ظهرك
عهود: ادبر نفسي ماعليك
تركي حب يجننها : ليه تستحين كلها شهر ونص واشوفك عدل
عهود حمرت : لذاك الوقت يصير خير
تركي : كيفيك بس اذا تشوه مكان الحرق مالي خص
عهود بخوف: ليه يتشوه
تركي : لان اذا ماحطيتي المرهم عدل على الحرق ماراح يطيب وبيترك اثر
خافت عهود ولفت وعطته ظهرها : تحطه بسرعة ولا تطول وعيونك على الحرق
سامع
تركي بضحكة: ان شاءالله عمتي اومر ثانية
رفع تركي البيجامة وقال لعهود تمسكها وخذ المرهم وبدى يحطه على ظهر عهود
عهود حست باحساس غريب من لمسة تركي لها بس بسرعة طردت هالاحساس
اما تركي كان يحط المرهم بعناية شديدة والي يشوفه يقول قاعد يسوي عمليه
بعدها اخذ لفة جديدة ولف لها ظهرها ونزل بلوزتها
تركي: خلصنا
عهود بحرج : شكرا
تركي: العفو بس هذا واجبنا ولو
عهود طلعت بسرعة من الغرفة من الاحراج وراح تركي ينام وصار هذا روتين
عندهم كل يومين يغير لها اللفة واحيانا يطلعون واحيانا يجلسون يتفرجون على الافلام
وانقضت الثلاث الشهور وباقي يومين ويكملون وكان اليوم الاربعاء وقت نزلتهم
جهروا اغرضهم واركبوا بالسيارة
تركي وهو مبسوط: اقول عهود
عهود: نعم
تركي: مافي اشارات حمرا بالطريق
عهود مافهمت : وشو
تركي: يعني الي تجي كل شهر
عهود انحرجت منه واسكتت:...........
تركي : اذا في خليني اجيب موانعها من الصيدلية ومن الحين اقولك لاتحولين
تلعبين على مثل هذيك المرة
عهود: وليه من قال العب عليك
تركي: ماني بغبي يعني واحدة ماتعرف متى موعدها وغير كذا ماجات الا في
ذاك اليوم
عهود حست ان تركي عرف عن مقلبها :..........
تركي: ماقلتي لي في شئ بالطريق
عهود متنرفزة: طمن بالك مافي شئ
تركي وهو يضحك: طمنتيني
وبعدها سكتوا وكملوا طريقهم بهدوء ووصلها بيت اهلها وراح لعند اهله
وش راح يصير ياترى؟
توقعاتكم
 |
|  |
العرض العادي
