قصص و روايات و حكاياتخيال منتديات قصص روايات z7mh.Com Forums Stories & Novel زحمه أجمل القصص واروع الروايات تجدها هنا شبكة القصص والروايات الطويلة والقصيرة زحمه قصص روايات القصة الرواية قصص الانبياء القصص الطويلة العربي العربية قصص واقعية قصة حب حزينة قصص اطفال رواية ورش مكتبة القصص للاطفال تحميل روايات أحلام رواية مشاعل سعوديه سعوديات في بريطانيا قصيصه قصه قديمه
من فووق لتحت : واناا امووووت ولا ينبض قلبي لك وان خااانني
ونبض طعنته بخنجر
الجزء الثلاثون
يقول أنساك يكذب ما نسيتك..!
كيف وانت القلب من دونك
((عصـــا11ني))
إنت لو تظمى من عروقي سقيتك..!
و إنت لو ترحل يصيــــــر العمر
((فا11ني))
وإنت لو يقسى زماني ماجفيتك..
كن ربي عن غلا غيرك...
(( نــــــــها11ني))
× ... نور...×
كل مااتذكرت كلام الدكتوره احسن نفسي طاايره من السعااااده حلو ان الانساااان يكون عنده امل بالحيااة بعد ماااظن انهاا خلااص انتهت .. قلناا لعمي اننا بنزل جده انا مشتااقه لاهلي وابي اشوفهم ومنه تركي يشووف اوضاع الشغل بجده
اول ماحطت رجلي ارض المطاار حسيت بالراحه السعاااده اناا على اول خطوة بطريقة الامومه لكن كل هذاا رااح يووم شفت اكبر جااي لوحده من غير ابوي ؟! استغربت قلت يمكن مشغول لكن الكلام الي قاله مريم تعباانه واسعااف جا اخذهاا كنت ادق على ابووي لكن مااايرد
تركي : نوور اهدي ماصاار الا الخير
قلت له : تركي ابوي ماايرد وبيتنا محد يرد فيه حتى ليلى ماترد ع تلفوونهاا
تركي : تلااقينهم بمنطقه مافيهاا ارسال
قلت له : خلناا نرووح لهم المستشفى
جاوبني : نور وين تروحين لهم الوقت متاخرماارح تقدرين تدخلين صدقيني رح يكونون مروحين اللحين
استسلمت على مضد ورحنا بيتناا ...
اخ يااشين البيت من غير اهله خاالي كئيب موحش تقريبا جلست انتظر ساعه وكل شوي ادق لكن برضو "لايمكن الاتصال به الان "
قلت لتركي : مالي خص اللحين تاخذني لهم
تركي : وين اخذك جنيتي ؟! سمعي بروح اشوفهم انت خلك هني لو رجعو دقي علي
هزيت راااسي بمعنى حاضر
بعد طلوعه بنحو عشر دقاايق انفتح الباااب ودخلت ليلى تمشي بخطى ثقيله وخلفهاا ابوي
على طوول ركضت لليلى ضميتهااا قالت لي : نوور حبيبتي شفيك
سألتها : انتي بخير ؟!!
قالت لي : والله بخير
ابوي : نور مابتسلمين علينا ؟!!
افتشلت : هلا يباا وسلمت عليه اهو وامي
جلسنا بالصالون وانا لسى حاسه بتوتر سألتهم : وين مريم ؟!! وبديت ابكي ليه ماجبتوهاا معااكم ؟1 حالتهاا خطيره
ابوي : نور صلي ع النبي
قلت : اللهم صلي عليه وسلم .. يباا
ابوي : مريم الحمدالله حالتهااا مستقره
سألته وانا مشككه : لو حالتها زينه ليه ماجات امي معااكم ؟!
ليلى : نور حبيبتي ماتعرفين امي ؟!! مارضت تخلي مريم لحالها .. الا وين رجلج ؟!
جاوبتهاا : توه طلع يؤيؤيؤيؤ كان رايح يشوفكم بالمستشفى
ابوي : استغفر الله جننتي الرجال قومي دقي عليه خليه يرجع البيت
هزيت راسي بمعنى ان شااااء الله
بعد مااتصلت بتركي طلع ابوي يرتااح بغرفته وليلى نفس الشي
اما انا وتركي فنمنا بغرفة الضيووف
× ... مريم ...×
شفت امي ناايمة ع السرير الي جنبي ..حزنت عليهاا واايد .. لكن عااد وش اسووي .. احيان افكر بالعملية ..لكن بصرااحه اخااف واحاول اغير تفكيري ... لاتفكرو اني خايفه اموت لاا ابد مو هالسبب الموت حق عليناا
لكن وش رح يكون موقف اهلي لو صارت مضاعفاات لو ان حنان صارلها شي وقت العملية ؟! لو ان العمليه تمت واكتشفنا انها فشلت خصوصا ان نسبة الشفااء مو مضمونه يعني ممكن اعيش على امل كذااب
اعقلي يااامريم أي شي رح يكوون اهوون من العذاااب الي تعيشينهم اياااه ارحم بكثير من حرقة اعصااابهم
مافكرتي براااحة امك رااحة ابوووك .. انتي مافكرتي بنفسك ماودك تعيشين طبيعية مثل النااس كلها من غير حبووب من غير جلسات علاج من غير نقل الدم ماتمني
تشوفي نفسك بحوااجب "مررت اصاابعها على وجها " رموووش ماانمسك تمررين اصاابعك على راااسك تحسسين شعرك تشدينه لاعصبتي تلعبين فيه وانتي تفكريين .. ماتمني يكون لك بيت عياال ينادونك يمه زووج تستقبلينه ببسمه تودعينه بضحك مااودك تخلعين هالشااال الي صااار كانه قطعه من جلدك ماتبين تسلخينه عن فروة راااسك ... عزمت امري رح اسوي العمليه لكن مو اللحين ؟! اجل متى ؟! مااله داعي التأخير
× ... حمدان ...×
ياحلو يمعات الاهل كنت كلناا هني امي ميثوة ام لسان وريلهاا رااشد وشيخه وبطنهاا جداامهاا يعني للامانه هب ظاهره وايد ..رح نستقبل فرد يديد بعاايلتنا ..خخ اتذكر يو عرف سلطان ان حرمته حاامل حشر الدنياا قاام يريووس بالسياااره دااخل الحوي وشل الكلااشن وقام ييول خخخ وانا طبعا مااقصرت ارتبشت معاااه .. الله يسعدهم ان شاااء الله
اليلسه كانت نااقصه الدماااني "الريم " وولدها وريلهاا .. ثاني سألني : حمدان شلون شغل البنيه اليديده معااك
قلت له وانا اتذكر الورقه الي تركتها ع مكتبها : مااظن انها بتعمر وياااي
سألني : افاا بس ليه ؟!!
جاوبته : يااخوي هالبنيه خريش وماافيهاا عقل
ميثه انتبهت ع رمستناا : ترمسوون عن منو ؟!!
سألتهاا: وانتي شكوو ؟!! رياايل ويرمسوون شو يخصج بهم
ميثه جاوبتني: الله الي يسمعك يقول سألت حد غريب الا حمدااااانووه الاثول و....
قااطعها ثاني : وشوو ؟!!
ميثه قفطت لانها كانت ناوية تخور بالرمسه : وريلي ابو ولدي
كررت كلامها بسخريه : ريلي ابو ولدي
ثاااني : هي انت لا تتطنز على حرمتيه
جاوبته : تراها اختي قبل لاتصير حرمتك
ميثه : قم انت وياااه تكاافخو
ضحكناا ع اسلوبهاا
سالتها : لحظة ؟! ولدج ليه انتي حاامل
ميثة استحت : ايه توني بالثاني
قلت : اهااا مبروووك
ميثه : الله يباارك فيك ...صدق عن منو ترمسوون
جاوبتها عسب اني عارفها زين مابتودرني الا لاعرفت السالفه : نرمس عن الموظفة اليديده مهره
سألت بأهتمااام : مهره ربيعتي
جاوبها ثاني : هي مااغيرهاا
سألت ميثه بأهتمااام : تعرفينهاا ؟!!
ميثة وهي تهز رااسها : اقولك ربيعتي تسألني تعرفينهاا .. ايه اعرفهاا
سألتها : بنفس عمرج ؟ يتراوالي انها اكبر ؟!!
جاوبتني : اكبر بسنه بس لكن الي يشوفها يقول اكبر بوااايد ..كبرتهاا المسؤولية الي انعقت عليهاا
الموضوع شدني واااايد اعتقد انه فضولي اني اعرف شي عن هالانسانه الغريبه سألتها : مسؤولية شو ؟!
جاوبتني : يوم كنا بسنتناا الاخيره بالثانويه مهره ودرت الدراسه هذيك السنه مع ان مابقى لنا غير شهر ع الامتحااانات عرفت عن طريقه وحده من ربيعاتنا ان مهره ابوها توفى وان امهاا مريضه وااايد مهره كاانت تخدمهاا وتسهر عرااحتهاا حنا تخرجناا واهي ردت تكمل كنت اتواصل معااها بالتلفون حتى بعد زواجي دوم كنا نتوااصل مهره بالكاد قدرت تخرج وضع امها تردى اكثر وكانت تحتااج تجاابلها اكثر.. وليت هذا بس الا ربي بلاها باخو دووم سكراان وبدااال لاايكون هو العون والسند الا قسم ظهرهاا استغل موت امه وبااع البيت ضيع افلووسه ع السكر والحريم ومهره هي كانت الريااال تصرف ع الشقه الي هم سااكنيين فيهاا
وتقووم بكل شي واخوهااا متربع ع عرش الرااحه تصدقون ان حتى بيزاااتهاا ياااخذ منهاا ماايخلي لهاا الا القليل وبعد يضربهاا يوم تحكي لي عن معااانتهاا معااه جد احس بالضييم احس ان هالبنيه كل ظلم الدنيا عليها ومع هذاا دووم اشووفهاا تضحك وعمرهاا ماااتترك للحزن طريق عليهاا هالشي احسدهاا عليه
كلاام ميثه بالنسبه لي كاان صدمه !! معقول البنيه الي دومهاا تضحك وتاخذ الامور بستهتاااار تكون شااايفه هالمر كله بحيااتهاا يومهاا يبدأ بعذااب وينتهي بعذااب وانا الي كنت احسب عمري مظلووم لاني مااخذيت من حبيتهاا طلعت ولا شي جدااام الي تعرضت له مهره
صدق حاامد يوم قال
" ماكل من يضحك مع الناس مبسوط ياكثر من يضحك ونفسه حزينه "
×......... حنـــــــان .......×
سمعت صووت حركة بالصاله ففتحت البااب شوي شووي اشووف ش صاار خفت يكون حرامي او شي خصووصا ان الوقت اللحين 5 الفجر شفت بندر توه راااجع البيت
جاني فضوول ابي اعرف وين وين كااان الين هالوقت
واناا وش علي وين كااان ان شااءالله بجهنم الحمراا اناا ماااعااااد يهمني .. ماايهني ؟! اجل ليه مانمتي من بعد ماااطلع امس ليه مااغفت عينك ..معقول يااحنااان بعد كل الي سوااه فيك امس لسى له مكااان بحناااياا قلبك ؟!! ماكرهتيه ؟1 الا اكرهه من قااال ان بعدني احبه ؟! بندر قتل كل ذرة حب ممكن احس فيهاااتجااهه ذبح كل مشااعري شفته يدخل الجره كااان شكله تعباااان مهلوووك نااظرني وناااظرته كااان بيناا تووتر فضييع اناا كنت ع السرير جااالسه كنت افكر امثل اني نااايمه لكن هالتصرف حسيته سخيف لانه لمحني وانا اختلس النظر من طرف الباااب
دخل ولاا عطااني كلمه فتح الدولاااب طلع له بيجاامة نووم وقاام يفصخ ملااابسه ولاكاي موجوده بالغرفه صرخت فيه ... هي ياااهااارون الرشيد في حماام " وانتو بكرامه " تفصخ فيه
عطاااني نظرة احرقتني وكمل لبسه انا كنت طوول الوقت مدنقه " موطية "موخية " رااسي عشاان لاااشوفه بعد ماخلص لبس قالي بصوة كله سخريه : تستحين ؟! شي مضحك حنااان تستحي
ماارديت عليه شفت يرووح جهت السرير وقاام يرفع اللحااف هذاا وش بيسووي ؟!! قلت له : وش بتسوي ؟!
قالي : شاايفتني لابس البيجاماا وجاي جهت السرير وش بسووي يعني برقص ؟!!
قلت له : لكن حنا اتفقنا اننا وعضيت شفاااتي وانا اتذكر الي صاار امس ؟!
قالي : اخوااان ؟ هذي هي الكلمه الي تدورين عليها مو ؟! مااعتقد عقب الي صاار امس نقدر نكون اخواان لان في حقيقه مانقدر نلغيهاا انتي زوجتي واناا زوووجك وحقووقي ابيهااا كااااااااااااااااامله " وشدد ع هالكلمه وهو ينطقهاا " عجبك الوضع اهلاا وسهلاا مااااعجبك طقي راااسك بالجداااار
تمدد ع السرير واناا اغلي من الغيض : هي انت قووم طلقني مااابيك طلقني
طاالعني من فووق لتحت : ماالي مزااج اللحين لكلاامك السخييف لااصحيت تفااهمناا وغطى وجهه بالللحااف
قلت له وانا اسحب اللحاااف : هي انت اناا اكلمك
رجعت على ورى اول ماااشفته نقز من السرير وهو معصب ع الاخير : سمعي زيين يااابنت عبد الله والله ثم والله ثم والله وهذااني حلفت بالله ثلاااث ان مااانعدلتي واتأدبتي لكوون ضاااربك ضرب مااخذه كاافر
قلت لها : تضربني ؟!! مد ايدك عشاان اكسرهاا لك
مااحسيت الا وشي يحرقني شعوور بالالم شعوور فضييع تحسست خدي ضربني ؟!! بندر يضربني ؟!!
ضربته على صدره : جعل ايدك بالكسر اناا تضربني ابووي ابوي مااضربني تجي انت تضربني
قااالي بحده وهو يمسك ايدي : وهذي غلطة عمي
بندر الي تعرفيه خلااص بح ..انتهى اللحين في عندك بندر جديد .. بندر رح يعلمك السنع رح يعلمك وشلوون تعاملين مع زووجك ... باختصاار رح اعيد تربيتك من اول وجديد
واللحين انقلعي من قدااامي ولااصاار وقت الظهر صحييني ساامعه ورجع تمدد ع السرير وناااام ولا كأنه سوى شي ... صرخت فيه انت وشو ماااتحس اقولك طلقنييييييييييييييييييييييييي ... قهرني ماااارد علي .. رجعت وسحبت اللحاااف من جديد فتح عيونه وعطاني هذيك النظرة الي احرقتني وقااالي : اقصري الشر وطلعي لايجيك كف ثاااني يعدلك
قلت له وانااا دمووعي تنزل : ماا ابيك طلقني اقووولك طلقنييييي
قالي بكل بروود : مالي خلق اطلقك اللحين لا صحيت الظهر فكرت بالمووضووع اذلفي اللحين
ورجع تغطى ونااام
اماا اناا كنت بحاله من الصدمه حاله من الذهوول كل هذاا يطلع من بندر ؟!!خرجت من الغرفه بعد ماصقعت الباااب باقصى ماعندي وعلى طوول رفعت السماااعه بتصل بااابوي خل يجي يخلصني من ذا البلوه خليه يربيه ويعلمه ان بناات الرجال مايندااس لهن ع طرف
طيب ولو سألك ابوك يالفاالحه ليه ضربك ؟! وش رح تقولين !! ضربني كذاا من االباااب للطااقه من غير أي سبب مستحيل يصدق هالكلاام ؟! لازم يكون فيه سبب مقنع ؟!! وش سببه اقوله اني اهنته !! طولت لساني عليه الين ماااقلت اميين .. حطيت السماااعه بستسلااام لاني اعرف لو اتصلت لابوي انا الي باااكلهاا وبيقول لي تساااهلين تكسير ضلووعك بعد
× ... بندر ...×
طلعت من الغرفه وهي مصدوومه مني وبيني وبينكم صدمتي بنفسي اكبر ماتخيلت ابد اني رح امد ايدي عليهاا لكن كل شي خلااص بندر القديم رااح ذبحته حناان بيدهاا ذبحته يوم هانته غمضت اعيووني بالم واناا اتذكر كلماااتهاا لي البااارحه "واناا امووووت ولا ينبض قلبي لك وان خااانني ونبض طعنته بخنجر"
اااخ يااحناان معقوول قلبك مااحن ماارق .. ليت بيدي كااان نزعة حبك من قلبي ... لكن وش الحيلة قلووبناا مو بدينااا !!
لكن لا يااحناان ماعندي اغلى من كرامتي الي جرحتيهااا
×.. مهره ..×
اليوم نشيت من وقت تسبحت وافطرت وسرت شغلي الساعه 8 بالضبط كنت ع مكتبيه
وصل الاستاذ حمدان الساعه 8.30 سلم علي وسار مكتبه
غريب هالانسان يوم يزفني ويوم يبتسم بويهي نقزت يوم سمعت حسه عندي بالمكتب
اخت مهره طالعت ادور عليه ويه هذا ويين ...اووهوو نسيت جهاز الاتصال اللاسلكي ضغط عالزر : نعم استااذ
06-Jan-2009, 10:20 PM
العرض العادي
المواضيع المتشابهه 
