بعض طبخآتي + تزيين الكيك + أصناف حلآ ..~!‎

[MoJя̃̾Ĕм̈̈h]

سلآم عليكم < حبآيبي حبيت انزلكم بعض طبخاتي وان شاء الله تعجبكم الموضوع يشمل على : أول شيء طريقة عمل عجينة الفوندان ثانياً حلويآت بسييطة ثالثاً تطبيقي لبعض الأصناف هنآ أضفتها مع بعض التغيير عجينة الفوندان العجينة قبل كل شيء سهلة ومو سهلة بس الا مايبيلها شيء والله كثييير يسألوني عنهآ وشلون أسويها وارد سر المهنة ذذ مايبيلها بس تتعلق بالظبط وشلون شغلك عليهآ صديقتي دلتني على طريقتها الله يسعدها المقادير : مارشملو سكر بودرة ملونآت طعام " حسب الرغبة " نذوب ( المارشملو + ملعقتين إلى 3 ملاعق كبيرة ماي ) في المايكرويف أو حتى على الفرن العادي عندي الفرن أفضل ماتيبس بسرعة مثل المايكرويف دقيقتين نرفعها من على النار ونقسمها إلى اقسام إذا حابين ، وكل قسم أضيفوا له اللون اللي ودكم نبدأ نضيف السكر البودرة ونحرك وكل شوي نكب زيادة ونحرك (بتستهلك سكر كثييير لآتنفجعون ) تقريباً 3 - 4 كاسات كاملة هذا إذا مب أكثر ونصيحة لاتكثرون مارشملوا كل ماكثرتوا كل ماحتجتوا كمية من السكر أكثر الكيس الوسط ( 30 g ) تكفي لتغطية كيكة كاملة وتزيد بعد .. بتطلع العجينة كذا .. طرية لآتخشنونها كثير في حال انك حابة تخزنينها لوقت ثاني للإستعمال أدهنيها بقلييل زبدة " مسحة بسيطة " وغلفيها بنايلون ودخليها الثلاجة .. قبل الإستخدام بساعتين طلعيها واستخدميها عادي * أنا أفضل تستعمل بوقتها بتطلع لذييذة وطرية وفرش أكثر تزيين قالب كيك : استعملت كيكة الدريم ويب هي حلوة بس ثقيلة شوي تنفع للحفلآت كطبق رئيسي يعني وأفضلها من ناحية التزيين متماسكة ماتتفتت مثل البيتي كروكر هذا في حال لو بتقصونها من المنتصف يعني المقادير " كيكة الدريم ويب " : 2 كأس دقيق 1 م.ك بيكنج باودر 1 كأس حليب سائل 1 كأس سكر 3/4 كأس زيت 4 بيضات 1 مغلف دريم ويب م.ص فانيلا نخلط جميع المقادير وتصب في صينية مدهونة وتخبز بالفرن .. بعد مانطلعها نتركها تبرد شوي ونقصها من الوسط ( وأفضل طريقة للقص ) بالخيط السلكي أو أي خيط عادي .. ماراح تتعبك أثناء القص وبتطلع متساوية غير انك لو بتقصينها بسكين تدهن بأي نوع كريمة ( استخدمت الدريم ويب برضو ) + قليل من التوفي رجعت الطبقة الثانية ودهنت الكيكة كلها بالدريم ويب ، مثل ماقلت حسب الرغبة =) نجي للتزيين بالعجينة .. نبدأ نفردها على قاعدة مرشوشة بسكر بودرة للتنوية * من الأفضل تفردونها بوسط كيس نايلون أو حتى على قاعده سيلكون حتى ماتلزق عندك >< لبست الكيكة بالعجينة باللون الأبيض من دون اضافات ألوان وقصيت الأطراف الزايدة كملت التزين باللي طلع معي وقتها وكتبت فوقها بشوكولاته خام هنا بعد ماخلصت .. مع السكر البودرة تصير باهته .. ذوبت قليل من السكر في ماء ومسحت عليها بالفرشاة النتيجة النهائية اللون ماكان عندي وقت ماأنا أسوي الكيكة غير الأخضر اللي جد يبين لونه ماعليكم من الشكل أهم شيء الطعم مو هذي قطعة لكم لذيييذة بس عيبها ثقييلة ماينفع تاكلينها تحلية لآزم وانتي جيعانه

[MoJя̃̾Ĕм̈̈h]

تزيين الكب كيك : هذي أخف بكثيير وألذ بكثيير برضو الكب كيك بالخليط الجاهز " بيتي كروكر " وزينتها بـ هالطريقة دهنتها بشوي كريمة قصيت العجينة بشكل دوائر للتزيين برضو أشكال منوعة .. ونلزقها بشوي كريمة .. النتيجة النهائية هينآآ مرة سويتهآآ بحفلةة نصيحة أول ماتخلصون منها حطوها بحافظة وخلوها برا .. مافي اشكالية تتم يوم كامل بتكون طرية وأفضل للأكل .. واذا حابين تحفظونها بالثلآجة تطلعونها قبل ماتقدمونها بساعة تقريباً .. حتى ماتطلع العجينة قاسية هنا أشكال أخرى .. الزائد من العجينة .. تقدرون تقطعونه بالشكل اللي تحبون وتحتفظون فيه بعلبة صغيرة لوقت ثاني للتزيين ، مثل :

[MoJя̃̾Ĕм̈̈h]

حلى الكت كات الأصلي ماراق لي وغيرت في بعض مقاديرة .. المقادير والطريقة سوآ : الطبقة 1 : شوكولاته كتكات يصف بصينية متحركة القاعدة الطبقة2 : بسكوت أوريو " الأسود " يفرغ من الكريمة ويطحن بشكل نااعم جداً يخلط مع قليل من كريمة الخفق ويرص بالصينية الطبقة 3 : كيك شوكولاته مفتت " أي نوع " ويخلط مع كريمة الخفق ويرص فوق البسكوت يدخل الفريز لحد مايتماسك أثناء مانسوي مقادير الطبقة 4 و 5 الطبقة 4 + 5 : في الخلاط ( 1 علبة حليب مركز + 1 علبة قشطة + 4 مغلفات دريم ويب + 2 علبة فيلادلفيا الحجم الوسط + فانيلا ) نخلط الخليط ونقسمه قسمين .. قسم نضيف له بودرة الكاكاو. يصب الخليط البني أولاً على الكيك ويدخل الفريز لحد مايتماسك قليل ويصب فوقة الطبقة 5 الخليط الأبيض يرش بشوكولاته فلك .. ويزين بالمالتيزرس يترك بالثلآجة يوم كامل .. قبل التقديم .. وبالعافية

[MoJя̃̾Ĕм̈̈h]

أشكال الشوكولاته بالكيك طلع معي صدفة بس لذييذ من جد المقادير : مالها كيمة معينه .. على حسب الرغبة شوكولاته خام سوداء شوكولاته خام بني جوز هند كيك شوكولاته مفتت نذوب الشوكولاته ونضيف له الكيك المفتت +جوز الهند لحد ماتستوي عجينة نفردها ونقطعها بالأشكال اللي حابين نآخذ أعواد خشبية نبدا نحط على كل شكل " شكولاته خام بيضاء " ونحط فوقها الاعواد ونسكرها بالشكل الثاني نزينها بشكولاته خام بني .. وندخلها بالفريز نصف ساعة هنا بشكل آخر .. سويتها على شكل كور وغمست نصفها بشوكولاته خام بيضاء زينتها بالحلآوة وقدمتها بعلبة .. هنا بالآعوآد هنا بشكل آخر .. قطعتها بشكل مستطيلآت .. ،، طبقات الكيك والأوريو بالكريمة < باين الحلآ اختراع .. بس اعتمدته ظمن قائمتي المقآدير والطريقةسوآ : الطبقة 1 : بسكوت أوريو مفتت يخلط بقليل كريمة الخفق ويرص بصينية متحركة القاعدة الطبقة 2 : (8 حبات جبن كيري + 2 مغلف دريم ويب + بيالة كريمة الخفق + 1 علبة قشطة + ربع علبة حليب مركز ) الطبقة 3 : بسكوت أوريو يصف فوق الطبقة2 " انتبهوا مو تفتتونة " يصف بحيث تاحولون ماتتركون فراغ بينهم كبير الطبقة 4 : خليط بيتي كروكر بالشوكولاته .. ناخذ كمية قليلة ونصبها فوق الأوريو ندخلها الفرن من الأعلى لحد ماتستوي وقت قلييل بس الطبقة 5 : جالكسي مذوب + قشطة كنت بقول الطبقة 6 خفت عليكم (للتزيين شوكولاته خام سوداء بشكل طولي ) تدخل الفريز لحد ماتجمد وبالعآفية

[MoJя̃̾Ĕм̈̈h]

طبقات الكيك بالجبن المقادير : 1 كأس سكر 1 كاس زيت 1 كاس ماء 3 م.ك بودرة شوكولاته 3 م.ك حليب بودرة 2 بيضة فانيلا 1 كاس طحين 1 م.ك بيكنج بودر صوص الجبن : 1 علبة حليب مركز 10 حبات جبن كيري 1 مغلف دريم ويب رشة فانيلا الطريقة : تخلط مقادير الكيكة جميعاً ( السوائل أولاً ثم النواشف ) ويقسم الخليط إلى قسمين ندهن صينية متوسطة الحجم ويصب فيها القسم الأول من الخليط .. وندخلها الفرن من الأسفل بعدها من الأعلى .. نضع عليها قليل من صوص الجبن ( يصير قد قسمناه إلى قسمين برضو ) وندخله الفرن من الأعلى ليتماسك تخرج ويصب القسم الأخر من الخليط الكيك .. ويدخل الفرن من الأعلى فقط ثم يخرج ويزين بصوص الجبن على شكل خطوط تبرد ثم تقدم .. ملآآحظة :- بإمكانكم استبدال الطبقتين بثلآث طبقات بـ نفس الطريقة .. وبالعافية =)